2016 سمر اولمپکس داآغاز (اج)جمعہ تھیسی اولمپک تریخ وچ پہلی واری 207 ملکاں دے 10 ہزار پنج سو توں ودھ ایتھلیٹس حصہ گھندے پن

RIO DE JANEIRO, BRAZIL - FEBRUARY 08: A Rio Olympics 2016 car is seen before the first day of parades of the panel's Carnival in Rio de Janeiro on Marques de Sapucai Sambadromo on February 08, 2016 in Rio de Janeiro, Brazil. (Photo by William Volcov/Brazil Photo Press/LatinContent/Getty Images)

ریو ڈی جنیرو ۔ 4 اگست (اے پی پی) کھیڈاں دا سبھ توں وڈا میلہ سجنڑ کوں تیار ہے، پوری دنیا وچ شائقین دیاں بے تابیاں عروج تے ہن، جمعہ کوں میگا ایونٹ دی افتتاحی تقریب وچ دلچسپ پروگرامز شائقین کوں دم بخود کر ڈیسن۔ تفصیلات دے مطابق 2016 سمر اولمپکس برازیل دے دارالحکومت ریو ڈی جنیرو وچ (اج) جمعہ توں شروع تھیسن۔ اولمپکس دی تریخ وچ پہلی واری 207 ملکاں دے 10 ہزار پنج سو توں ودھ ایتھلیٹس حصہ گھندے پئے ہن، کوسوو ااتے جنوبی سوڈان کوں پہلی واری مقابلیاںداحصہ بنرایا گیا ہے۔ ایونٹ وچ 28 کھیڈاں دے مقابلے ہوسن، نمایاں کھیڈاں وچ جمناسٹک، ایتھلیٹکس، باکسنگ، سوئمنگ، ریسلنگ، ویٹ لفٹنگ، آرچری، بیڈمنٹن، باسکٹ بال، کینوئنگ، سائیکلنگ، گھڑسواری، فینسنگ، فیلڈ ہاکی، فٹ بال، گالف، ہینڈبال، جوڈو، ماڈرن پینٹاتھلون، روئنگ، رگبی، سیلنگ، شوٹنگ، ٹیبل ٹینس، تائیکوانڈو، ٹینس، ٹرائتھلون اتے والی بال شامل ہن۔ 21 اگست تئیں جاری رہونڑ آلے ا یہ مقابلے 33 مختلف مقامات تے منعقد کیتے ویسن۔ میگا گیمز سانگے سیکیورٹی کوں فول پروف بناونڑ دے بھر پور انتظامات کیتے گئے ہن جڈانجو اولمپک پارک تئیں میٹرو سروس دا آغاز وی کیتاگیا ہے۔ ایں منصوبے تے ترائے ارب ڈالر لاگت آوسی۔ انٹرنیشنل اولمپک کمیٹی دے صدر تھامس باخ دا آکھنڑ ہے جو سارے چیلنجاں دے باوجود میکوں پورا یقین ہے جو گیمز کامیاب اتے یادگار ہوسن۔