اسرائیل فلسطینی لوکاں دے بنیادی حقوق غصب کر رکھیے ہن،غزہ دا محاصرہ جاری ہے وزیراعظم دے مشیر برائے امور خارجہ سرتاج عزیز دا اوآئی سی کمیٹی برائے فلسطین دے اجلاس توں خطاب اقوام متحدہ ۔20

ستمبر (اے پی پی) وزیراعظم دے مشیر برائے امور خارجہ سرتاج عزیز فلسطین دے عوام توں یکجہتی دا اظہار کریندے ہوئیں آکھیا ہے جو اسرائیل فلسطینیاںدے بنیادی حقوق غصب کر رکھیے ہن،اقوام متحدہ دی جنرل اسمبلی دے اجلاس دے موقع تے او آئی سی کمیٹی فلسطین دے سالانہ اجلاس توں خطاب کریندے ہوئیں مشیر خارجہ آکھیا جو اسرائیل ولوں یہودی وستیاں اچ غیر قنونی توسیع جاری ہے اتے معصوم فلسطینی لوکاں کوں منظم انداز اچ شہید کیتا ویندا ہے اتے لکھاں دی آبادی دے شہر غزہ د ا محاصرہ کئی سال توں جاری ہے ۔انہاں آکھیا جو بین الاقوامی برادری کوںمظلوم فلسطینی دے نال یکجہتی دا اظہار کرنڑاں چاہیدا ہے ۔انہاں دے مسئلے تے پوری توجہ ڈیونڑیں چاہیدی ہے ۔ سرتاج عزیز او آئی سی دے سیکرٹری جنرل دی زیر صدارت اجلاس اچ پاکستانی وفد دی قیادت کریندے ہوئیں مسئلہ فلسطین چنگے انداز اچ چاتا۔ اجلاس اچ فلسطین’ ملائیشیا اتے سینیگال دے وزرائے خارجہ وی شریک ہن۔ ایندے علاوہ مصر’ اردن اتے ترکی دے نمائندیں وی شرکت کیتی۔ اجلاس اچ بین الاقوامی برادری تے زورڈتا گیا جو او اسرائیل تے بین الاقوامی قنوناں دے تحت اپنڑے وعدے تے عمل کراونڑ سانگے دبائو پاوے اتے مشرق وسطیٰ اچ پائیدار امن تے استحکام سانگے اپنڑیاںذمے واریاں پوریاں کرے۔