اسلام آباد ۔ 30 ستمبر (اے پی پی) اقوام متحدہ اچ پاکستانی مندوب ڈاکٹر ملیحہ لودھی آکھیا ہے جو کوئی سرجیکل اسٹرائیک کائنی تھی بھارت ولوں سرحد پار توں شیلنگ کیتی گی ہے۔عرب ٹی وی کون انٹرویو اچ انھاں آکھیا جو بھارت مقبوضہ کشمیر اچ جنگی جرائم توں دنیا دی توجہ ہٹاونڑ چاہندا ہے۔ پاکستان گزریل ڈینھ در اندازی کرنڑ آلے ہک بھارتی فوجی کوں پکڑیا ہے ۔انہاں آکھیا جو ڈوہیں پڑوسی ایٹمی ملکاں کوں ذمے واری دا مظاہرہ کریندے ہوئیں سارے مسلیں مذاکرات دے ذریعے حل تھیونڑے چاہیدے ہن ۔بھارتی جارحیت نال خطے اچ تشویش پیدا تھی گی ہے ،ڈاکٹر ملیحہ لودھی اقوام متحدی دی سلامتی کونسل سے صدر نال ملاقات کرتے انہاں دی توجہ بھارتی جارحیت دے پاسے ڈیوائی ،اقوم متحدہ دی مندوب آکھیا جو عالمی برادری کوں چاہیدا ہے جو او بھارت کوں جارحیت توں باز رکھے ۔