سعودی ولی عہد دی ترک وزیراعظم نال علاقائی امورتے گالھ مہاڑ

انقرہ۔ 30 ستمبر (اے پی پی) سعودی عرب دے ولی عہد ،نائب وزیراعظم اتے وزیر داخلہ شہزادہ محمد بن نائف ترکی دے ڈو ڈینھ دے سرکاری دورے تے انقرہ پج گے ہن۔عرب ذرائع ابلاغ دے مطابق انقرہ دے ہوائی اڈے تے ترک وزیراعظم بن علی یلدرم سعودی ولی عہد اتے انہاں دے وفد دا شاندار استقبال کیتا۔ اپنڑی آمد دے وختی بعدشہزادہ محمد بن نائف ترک وزیراعظم نال ڈو پاسے دے تعلقات دے ودھارے ،شام یمن دی صورت حال سمیت علاقائی امور ایران دے نال تعلقات اتے داعش دے خلاف جنگ متعلق امور تے گالھ مہاڑ کیتی ۔شہزادہ محمد بن نائف ترکی دی وڈی کمپنیاں نال ڈوہیں ملکاں وچال ڈو پاسے تجارت اتے سعودی عرب اچ انہاں ولوں سرمایہ کاری کوں ودھارا ڈیونڑ متعلق اقدامات تے وی گالھ مہاڑ کریسن