اسلام آباد ۔02 ستمبر (اے پی پی) وزیراعظم محمد نوازشریف آکھیا جو پاک چین اقتصادی راہداری 65 سال دی پاک چین دوستی دی کامیاب تکمیل دی عمدہ علامت اے،سی پیک نال پورے خطے دا مقدر بدل ویسی۔اے گالھیں انہاں ایس ای پی/ایس پی آئی سی چینی گروپ دے چیئرمین وانگ یودان نال جمعہ کوں اتھاں ایوان وزیر اعظم اچ ملاقات اچ گالھ مہاڑ کریندیں ہوئیں آکھی۔وزیر اعظم پاک چین تعلقات کوں سدابہار اتے گھاٹی یاری آکھدیں ہوئیں آکھیا جو ڈوہاں ملکاں اعتماد اتے خلوص دے جذبے نال یکا ہک ڈوجھے دی مدد کیتی اے۔وزیر اعظم آکھیا جو رل تے کم کریندیں ہوئیں آپنڑی عوام دی اقتصادی ترقی تے خوشحالی نال خطے اچ استحکام آن سگدے ہیسے۔ چینی کمپنی دے چیئرمین پر تپاک خیر مقدم اتے فراخدلانہ مہمان نوازی تے وزیر اعظم دا شکریہ ادا کریندیں ہوئیں حکومت دی اقتصادی اتے مالیاتی پالیسیاں کوں سراہیا جئیں نال ملک دی اقتصادی بحالی اچ مدد ملی اے۔
Associated Press of Paksitan
Pakistan’s Premier News Agency