پاک فوج دنیا اچ جنگ دے ساریاں توں ودھ عملی تجربہ دی حامل مضبوط فوج اے،بری فوج دے سربراہ جنرل راحیل شریف دا ایبٹ آباداچ تقریب نال خطاب

راولپنڈی۔ 29 ستمبر (اے پی پی) بری فوج دے سربراہ جنرل راحیل شریف آکھیا جو پاک فوج دنیا اچ جنگ دے ساریاں توں ودھ عملی تجربہ دی حامل مضبوط فوج اے،پاک فوج دے نینگر جسمانی صحت اتے پیشہ وارانہ مہارت دے اعلیٰ معیار دے سارے چیلنجز نال نبڑنڑ دی صلاحیت رکھیندے ہن۔او خمیس کوں ایبٹ آباد اچ تقریب نال خطاب کریندے پئے ہن ۔آئی ایس پی آر دے مطابق بری فوج دے سربراہ جنرل راحیل شریف چوتھے چیف آف آرمی سٹاف ینگ سولجرز انٹر سنٹرل پیسز چیمپیئن شپ اچ کامیابی حاصل کرنڑ آلے نینگراں اچ انعام ونڈنڑ سانگے ایف ایف سنٹر ایبٹ آباد دا دورہ کیتا۔ایں چیمپئن شپ اچ پاک فوج دی 22رجمنٹ سروسز دے 406نینگراں حصہ گھدا۔تقریب نال خطاب کریندیں ہویں چیف آف آرمی سٹاف جنرل راحیل شریف چیمپئن شپ اچ حصہ گھنڑ آلیاں اتے انہاں کوں تربیت ڈیونڑ آلے فوجی نینگراں دی اعلیٰ مہارت کوں سراہیا۔