پاک فوج ورکنگ بائونڈری اتے لائن آف کنٹرول تے الرٹ اے، آرمی چیف جنرل راحیل شریف دا نویں کم بیٹ ری ایکشن ٹریننگ سنٹر دے دورہ دے موقع تے خطاب

راولپنڈی ۔ 30 ستمبر (اے پی پی)بری فوج دے سربراہ جنرل راحیل شریف آکھیا وج پاک فوج ورکنگ بائونڈری اتے لائن آف کنٹرول تے الرٹ اے،دشمن کہیں وی مہم جوئی دا موثر جواب ڈتا ویسی،منفی پروپیگنڈے دے تحت پاکستان کوں دبائو اچ نی کیتا ونج سگدا،۔۔پاک فوج دے شعبہ تعلقات عامہ دے مطابق بری فوج دے سربراہ جنرل راحیل شریف ‘ لاہور گیریژن دے نیڑے دے علاقے نویں کم بیٹ ری ایکشن ٹریننگ سنٹردا دورہ کیتا۔آرمی چیف کوں کمبیٹ ری ایکشن ٹریننگ سنٹر اچ ڈتی ونجنڑ آلی تربیت بارے تفصیلی بریفنگ ڈتی گئی ۔فوجی نینگراں نال گالھ مہاڑ کریندیں ہوئیں جنرل راحیل شریف فوجی افسراں اتے نینگراں کوں جنگی تیاریاں تے زور ڈیندیں ہوئیں آکھیا جو جنگ جتنڑ سانگے تربیت ای کامیابی دی ضامن ہوندی اے۔انہاں مسلح فوج دی جنگی تیاریاں تے اطمینان کریندیں ہوئیں آکھیا جو لائن آف کنٹرول اتے ورکنگ بائونڈری تے پاک فوج الرٹ اے۔انہاں آکھیا جو دشمن دی کہیں وی مہم جوئی دا بھرپور جواب ڈیونڑ دی صلاحیت رکھیندے ہیسے۔