اسلام آباد ۔ 15 ستمبر (اے پی پی) وزیراعظم محمد نواز شریف ملک اچ بجلی دی پیداوار دے جاری منصوبیاں دی ویلھے سرے تکمیل اتے اگوں تے مؤثر منصوبہ بندی تے زور ڈیندے ہوئیں آکھے جو عوام کیتے سستی اتے وادھو بجلی دی فراہمی کوں یقینی بنڑاونڑ دے نال نال ودھ اقتصادی ودھارا اتے صنعتی سرگرمی کیتے بجلی دی مستقبل دی لوڑ کیتے مناسب انتظامات کرنڑ دی لوڑ ہے ۔ خمیس کوں وزیراعظم ہائوس اچ کابینہ کمیٹی برائے توانائی دے اجلاس دی صدارت کریندے ہوئیں انہاں آکھیا جو انہاں دی حکومت آپنڑیں مدت پوری تھیونڑ توں پہلے لوڈ شیڈنگ کوں مکاونڑ کیتے عوام نال کیتا گیا آپنڑاں وعدہ پورا کریسی ۔ انہاں آکھیا جو کہیں وی طرح دی دیر دا تجزیہ اتے مقرر کردہ مدت دے حصول کیتے مناسب اقدامات کیتے ونجنڑیں چاہیدے ہن ۔ چیئرمین واپڈا لیفٹیننٹ جنرل (ر) مزمل حسین اجلاس کوں 969 میگاواٹ دے نیلم جہلم پن بجلی منصوبے اتے 3478 میگاواٹ دے تربیلا IV توسیعی منصوبے دی صورتحال بارے بریفنگ ڈتی گئی ۔ انہاں ڈسایا جو سائٹس دے حالیہ دوریاں دے دوران منصوبیاں کوں ویلھے سر پورا کرنڑ کیتے ہک طریقہ کار کوں اخیری شکل ڈتی گئی ہے ۔ چیئرمین واپڈا آکھیا جو نیلم جہلم منصوبے دا پہلا یونٹ فروری 2018ء اچ کم شروع کرڈیسی جڈانجو باقی یونٹس 2018ء دے موسم گرما توں پہلے کم شروع کرڈیسن۔ تربیلا توسیعی منصوبے بارے انہاں آکھیا جو تربیلا IV دا پہلا یونٹ 14 اگست 2017ء کوں وزیراعظم دے ہتھوں افتتاح کیتے تیار ہوسی ۔ چیئرمین واپڈا دی کارکردگی دی تعریف کریندے ہوئیں وزیراعظم نیلم جہلم اتے تربیلا توسیعی منصوبے تے اگوہیں بارے تسلی دااظہار کیتا۔ انہاں پن بجلی دے منصوبیاں اُتے عملدرآمد کریندے ہوئیں شفافیت کوں یقینی بنڑاونڑ تے زورڈتا۔ سیکرٹری پانڑیں تے بجلی اجلاس کوں بجلی دے جاری منصوبیاں دے اہداف بارے ڈسایا،جنہاں اچ صاف توانائی دے منصوبہ جات، کولے نال چلنڑآلے بجلی گھر اتے ایل این جی پاور پلانٹس شامل ہن ،جنہاں نال 2017ء دے دوران اتے مارچ 2018ء توں پہلے قبل قومی گرڈ اچ بجلی دا ودھارا تھیسی ۔ اجلاس کوں ڈسایا گیا جو 330 میگاواٹ دے ونڈ اتے 980 میگاواٹ دے جوہری توانائی دے منصوبیاں سمیت ہک ہزار میگاواٹ توں ودھ دے 9 منصوبے وزیراعظم دے ہتھوں افتتاح کیتے تیار ہن ۔ بیا آکھیا گیا جو تھر۔مٹیاری اتے پورٹ قاسم۔مٹیاری ٹرانسمیشن لائن دے منصوبے وی سنگ بنیاد رکھے ونجنڑ کیتے تیار ہن ۔ اجلاس کوں ڈسایا گیا جو ایل این جی پاور پلانٹس دی تعمیر دا شیڈول پٹڑی اُتے ہے اتے بھکی اچ ایل این جی نال چلنڑآلا پاور پلانٹ مقررہ مدت توں بہوں پہلے پورا کر گھدا ویسی ۔ سیکرٹری پانڑیں تے بجلی 2018ء دے موسم گرما اچ بجلی دی طلب تے رسد د ا جامع جائزہ پیش کیتے اتے ڈسایا ہے جو مئی 2018ء تئیں تقریباً ترائے ہزار میگاواٹ بجلی اضافی ہوسی ۔ اجلاس اچ وفاقی وزیر پانڑیں تے بجلی خواجہ محمد آصف، وزیر اطلاعات و نشریات سینیٹر پرویز رشید، وزیر منصوبہ بندی تے ترقی احسن اقبال، وزیر ریلوے %A
