آندے24گھنٹیاں دے دوران اتلے پنجاب ،کشمیر اتے گلگت بلتستان وچ کجھ جئیں تے تکھی ہواواں اتے کھمنڑدے نال مینھ وسنڑ دا امکان ہے، محکمہ موسمیات

اسلام آباد ۔ 20ستمبر (اے پی پی) محکمہ موسمیات دا آکھنڑ ہے جو آندے 24گھنٹیاں دے دوران اسلام آباد ،راولپنڈی سمیت اتلے پنجاب وچ کجھ جئیں تے ہلکی ،کشمیر اتے گلگت بلتستان وچ کجھ جئیں تکھی ہواواں اتے کھمنڑدے نال مینھ جڈانجو ملک دے بئے علاقیاں وچ موسم خشک رہونڑ دا امکان ہے۔گزریل24 گھنٹیاں دے دوران ملک دے ودھ سارے علاقیاں وچ موسم گرمااتے خشک رہیاسبھ توں ودھ درجہ حرارت سکھر وچ 44 ڈگری سنٹی گریڈ ریکارڈ کیتا گیا۔ محکمہ موسمیات دے فورکاسٹنگ آفیسر محمد فاروق ہک نجی ٹی وی چینل نال گالھ مہاڑ کریندے ہوئیں ڈسایا جو آوندے 24گھنٹیاں دے دوران اسلام آباد،راولپنڈی، گوجرنوالہ، لاہور، سرگودھا، فیصل آباد ڈویژن وچ کجھ جئیں تے ہلکا مینھ، مالاکنڈ، ہزارہ، پشاور، مردان، کشمیر اتے گلگت بلتستان وچ کجھ جئیں تے تکھی تیز ہواواں اتے کھمنڑ دے نال تکھا مینھ وسنڑ دا امکان ہے جڈانجو ملک دے بئے علاقیاں وچ موسم بدستورگرم اتے خشک راہسی۔