اسلام آباد ۔ 03 ستمبر (اے پی پی) وفاقی وزیر ریاستاں اتے سرحدی امور لیفٹیننٹ جنرل (ر) عبدالقادر بلوچ آکھے جو پاکستان اچوں افغان مہاجراں دے مکمل طور تے واپس ونجنڑ دے بعد ڈھا لکھ لوکیں کوں روزگار دے موقعے ملسن۔ آپریشن ضرب عضب اچ فاٹا دے لوکیں تریخی قربانیاں ڈتیاں ہن ، جیکوں قدر دی نگاہ نال ڈیکھدے ہئیں ۔ وزارت سیفران ولوں جاری بیان دے مطابق وفاقی وزیر آکھیا جو سارے ملک اچوں افغان مہاجراں دی رضا کارانہ واپسی دا عمل جاری ہے جڈانجو حکومت پاکستان رجسٹرڈ مہاجراں کوں 31 دسمبر 2016ء تئیں ملک اچ راہونڑ دی اجازت ڈتی ہے جیکوں 31 دسمبر دے بعد ختم کرڈتا ویسی ۔انہاں آکھیا جوپاکستان دی عوام اتے حکومت ترائے دہائیاں توں افغان مہاجرین دی میزبانی کریندے پئے ہئیں ،جیہڑی جو عالمی سطح تے تریخی میزبانی ہے۔ وفاقی وزیر آکھے جو پاکستان اچوں افغان مہاجراں دے مکمل ونجنڑ دے بعد سارے ملک اچ ڈھا لکھ لوکیں کوں روزگار دے موقعے میسر امسن، جڈانجو ملک اچ امن و امان دی صورتحال بئی چنگی تھیسی ۔
