اسلام آباد ۔ 29 ستمبر (اے پی پی) وفاقی وزیر پٹرولیم شاہد خاقان عباسی آکھے جو الیکشن کمیشن جدید طریقہ کار دے تحت کم کرے تاںانتخابی عمل کیتے اخراجات 70 فیصد تئیں گھٹ کیتے ونج سگدے ہن ۔ خمیس کوں پارلیمنٹ ہائوس دے باہر میڈیا نال گالھ مہاڑ کریندے ہوئیں انہاں اے گالھ آکھی۔ انہاں آکھیا جو الیکشن کمیشن ہنڑ تئیں پرانڑیں طریقہ کار تے چلداپئے ۔انہاں آکھیا جو پاکستان اچ ہر شہری رجسٹرڈ ہے، نادرا اچ کوائف موجود ہن ۔ انہاں ساریاں چیزاں نال الیکشن کمیشن کوں فیدہ چاونڑاں چاہیدے تانجو صاف اتے شفاف انتخابات دے عمل کوں ودھاتے دنیا اچ جمہوری نظام دے استحکام آلے ملکاں اچ شامل کیتا ونج سگے ۔
