اسلام آباد ۔ 27 ستمبر (اے پی پی) وزیراعظم دے مشیر برائے خارجہ امور سرتاج عزیز آکھیا جو بھارت ولوں آبی جارحیت یا سندھ طاس معاہدے کوں یکطرفہ طور ختم کرنڑ ایں معاہدے اتے عالمی قانون دی خلاف ورز ی ہوسی،ایں اقدام کوں پاکستان دے خلاف جنگ سمجھیا ویسی۔بھارت معاہدے دے مطابق پاکستان دے حصے دے پانڑی تے رن آف ریور بجلی دے منصوبے تاں لا سگدے جڈانجو ایں پانڑی کوں ذخیرہ یا اوندا رُخ نی موڑ سگدا۔ورلڈ بینک ایں معاہدے اچ سہولت کار اے۔منگل کوں قومی اسمبلی اچ ڈاکٹر شیریں مزاری اتے بئے دے مقبوضہ کشمیر بارے بھارت دے مخاصمانہ روئیے اتے سندھ طاس معاہدے کوں یکطرفہ خٹم کرنڑ دی دھمکی تے توجہ دلائو نوٹس دے جواب اچ مشیر خارجہ آکھیا جو مقبوضہ کشمیر اچ انسانی حقوق دی خلاف ورزیاں تے پاکستان ولوں اقوام متحدہ دی جنرل اسمبلی اچ آواز چاونڑ تے بھارت سٹپٹا گئے اتے او پاکستان دے خلاف ہرزہ رسائی کریندا پئے ۔انہاں سندھ طاس معاہدے دے تفصیلات بارے وی ایوان کوں ڈسایا۔انہاں ڈسایا جو سندھ طاس معاہدے دی پاسداری ڈوہاں ملکاں دی ذمہ واری اے۔
