بھارت ولوں سرجیکل اسٹرائیک دا دعویٰ بے بنیاد اتے کُوڑا اے،مسلح فوج پوری طرح تیار اے ،بھارت فوج لائن آف کنٹرول دے پار بلااشتعال فائرنگ کیتی تاں موثر جواب ڈتا گئیا،آئی ایس پی آر

راولپنڈی ۔ 29 ستمبر (اے پی پی) پاک فوج دے شعبہ تعلقات عامہ (آئی ایس پی آر) دے ڈائریکٹر جنرل لیفٹیننٹ جنرل عاصم سلیم باجوہ آکھیا جو بھارت ولوں سرجیکل اسٹرائیک دا دعویٰ بے بنیاد اتے کُوڑا اے،مسلح فوج پوری طرح تیار اے ،بھارت فوج لائن آف کنٹرول دے پار بلااشتعال فائرنگ کیتی تاں موثر جواب ڈتا گئیااتے سویل 8وجے دشمن دی توپاں چپ تھی گئی ۔بھارت دی بلااشتعال فائرنگ نال شہید تھیونڑ آلیاں کوں خراج عقیدت ڈیندیں ہوئیں ڈی جی آئی ایس پی آر آکھیا جو بھارت ولوں بھارت ولوں سرجیکل اسٹرائیک دا دعویٰ بے بنیاد اتے کُوڑا اے۔انہاں آکھیا جو بے بنیاد پراپیگنڈے دا کڈاہیں کوئی ثبوت کائنی ہوندا۔اساں حقائق دی تصدیق کیتی اے اتے سرجیکل اسٹرائیک دے بھارتی دعویٰ اچ کوئی سچائی کائنی ۔ہک سوال دے جواب اچ انہاں آکھیا جو پاکستان دی مسلح فوج کوں پوری قوم دی پوری حمایت اتے دعاواں حاصل ہن ۔انہاں ہک سوال دے جواب اچ آکھیا جو ایں قسم دی بھارتی کوشش اشتعال دے مترادف اے اتے اگر اے سلسلہ جاری رہیا تاں پاکستان ولوں موثر اتے اوہو جیہے انداز اچ جواب ڈتا ویسی۔