اسلام آباد ۔ 29 ستمبر (اے پی پی) وفاقی وزیر دفاع خواجہ آصف آکھے جو بھارت آپنڑی عوام اتے میڈ یا کوں مطمئن کرنڑ کیتے سوچے سمجھے منصوبے دے تحت لائن آف کنٹرول تے بلا اشتعال فائرنگ کیتی ہے۔ذرائع ابلاغ کوں جاری کیتے گئے ویڈیو بیان اچ انہاں آکھے جو بھارت سوچی سمجھی سازش دے تحت رات وچالے چھوٹے ہتھیاراں نال لائن آف کنٹرول دے 5 سیکٹراں تے فائرنگ کیتی جیندے نتیجے اچ 2فوجی جوان شہید اتے 9 زخمی تھی گئے ہن۔ وفاقی وزیر دفاع آکھیا جو پاکستانی فوج بھارتی گولہ باری دا بھرپور جواب ڈتے اتے ولدے انداز اچ جواب ڈتا،جیہڑے انداز اچ بھارت ولوںفائرنگ کیتی گئی ہئی۔ انہاں آکھیا جو ایں ویلھے تئیں بھارت ولوں کتنے بندے مارے گئے ہن ایندا کئی اندازہ کائنی۔
