جاری سال عیدالاضحی دے موقع تے 150 ارب روپے دے زناوراں دی قربانی ڈتی ویسی

اسلام آباد ۔یکم ستمبر (اے پی پی) جاری سال عیدالاضحی دے موقع تے 150 ارب روپے دے زناوراں دی قربانی ڈتی ویسی اتے تقریباً 2.5 ملین گائیں، ڈاند اتے منجھیں دے علاوہ 4 ملین بکراں 8 لکھ بھیڈاں، دنباں اتے 30 ہزار اوٹھاں کو ںسنت ابراہیمی دی یاد وچ قربان کیتاویسی این طرح عید قربان دے موقع تے پاکستانی ہک سو 50ارب روپے دے زناراں دی قربانی کریسن۔ پاکستان ٹینرز ایسوسی ایشن دی رپورٹ مطابق آونڑ آلی عید قربان دے موقع تے شعبے کوں 73 لکھ کھلاں وصول تھیسن جڈانجو گزریل سال وی ٹینری دی مقامی صنعت کوں اتنیاں ای کھلاں وصول تھئیاں ہن ۔ رپورٹ دے مطابق قربانی سانگے 2.5 ملین گاواں، داند اتے منجھیں دی قربانی تے تقریباً 75 ارب روپے دے اخراجات دا تخمینہ ہے اتے 4 ملین بکراں دی خریداری تے60 ارب روپے جڈانجو 8 لکھ بھیڈاں اتے دنباں دی خریداری سانگے12 ارب روپے خرچ کیتے ویسن ایںطرح جاری سال 30 ہزار اوٹھاں دی قربانی سانگے 2.1ارب روپے دے اخراجات دی توقع ہے۔ رپورٹ دے مطابق ملک دی سبھ توں وڈی مویشی منڈی کراچی وچ ہنڑ تئیںہک لکھ 25 ہزار گائیں، چالیس ہزار بکرے اتے پندرہ سو اوٹھ پج گئے ہن ایںطرح ملک دے وڈے شہراں دیاں مویشی منڈیاں وچ وی وڈی تعداد وچ زناور لاتے گئے ہن ۔ ٹینرز ایسوسی ایشن دے مطابق جاری سال زناوراں دیاں کھلاں دی قیمتاں وچ گھٹکی متوقع ہے اتے گائیں تے ڈاند دی کھل دی اوسط قیمت تقریباً 1200 روپے تئیں راہونڑ دا مکان ہے جڈانجو گزریل سال ایہ کھلاں 2000 روپے فی کھل دی قیمت تے وکیاں ہن ۔ کھلاں دی قیمت وچ گھٹکی دے حوالے نال ایسوسی ایشن داآکھنڑ ہے جو عالمی مارکیٹ وچ چمڑے دیاں مصنوعات دیاں قیمتاں وچ گھٹکی دی وجہ نال مقامی مارکیٹ وچ خام چمڑے دیاں قیمتاں وچ گھٹکی دا امکان ہے۔