اسلام آباد ۔یکم ستمبر (اے پی پی) جاری مالی سال دے پہلے مہینے جولائی دے دوران قومی بچت دیاں سکیماں وچ 1.65 ارب روپے دی و دھ سرمایہ کاری کیتی گئی ہے اتے جاری مالی سال 2016-17 ء دے ابتدائی مہینے جولائی وچ قومی بچت دیاں سکیماں وچ مجموعی طور تے 18.231 ارب روپے دی سرمایہ کاری کیتی گئی ہے جڈانجو گزریل مالی سال دے ایں عرصہ دے دوران شعبے وچ کیتی ونجنڑ آلی سرمایہ کاری دا حجم 16.581 ارب روپے ریکارڈ کیتا گیا ہا ۔ سٹیٹ بینک آف پاکستان دی رپورٹ مطابق گزریل مالی سال 2015-16 ء دے دوران قومی بچت دیاں سکیماں وچ مجموعی طور تے 232.09 ارب روپے دی سرمایہ کاری کیتی گئی جڈانجو ایندے توں پچھلے مالی سال دے دوران 337.05 ارب روپے دی سرمایہ کاری کیتی گئی ہائی۔ رپورٹ دے مطابق جاری مالی سال وچ جولائی دے دوران گزریل مالی سال دے ایں عرصے دے مقابلے وچ 1.650 ارب روپے دی ودھ سرمایہ کاری ریکارڈ کیتی گئی ہے۔
