جنوبی پنجاب دیاں رودکوہیاں ،دریاوا ں ،ندی اتے نالیاں اچ پانڑیں دے وہائو دی 24گھنٹے نگرانی کیتی ویسی ، ملک محمد اقبال چنڑ

لاہور۔4 ستمبر(اے پی پی )جنوبی پنجاب دیاں رودکوہیاں،دریاوا ں ،ندی اتے نالیاں اچ پانڑیں دے وہائو دی 24گھنٹے نگرانی کیتی ویسی ، سیلاب دے موسم اچ کہیں وی محکمے ولوں کوتاہی نا قابل معافی ہے،سارے محکمیاں دے افسراں اتے اہلکار کہیں وی طرح دی چھٹی توں گریز کرن۔ حکومت ولوں فلڈ پلان تے ہرے ویلھے عملی اقدامات عمل اچ گھن آئے ویسن۔ انتظامیہ پہاڑی ندی نالیاں اچ پانڑیں دے وہائو تے خصوصی نگرانی کرے تانجو کہیں وی صورت حال توں پہلے ویلھے سر ایندے نال بنڑیا ونج سگے ۔ ایں گالھ دا اظہار صوبائی وزیرکوآپریٹو ملک محمد اقبال چنڑ فلڈاجلاس نال خطاب اچ کیتا۔ ایں موقعے تے ڈی سی او،پولیس افسران،تے بئے محکمیاں دے سر براہان وی موجود ہن ۔ ملک محمد اقبال چنڑ آکھیا جو حکومت سارے ضلیعاں اچ بنڑائے گئے وئیر ہائوسز اچ کھاونڑ پیونڑ د یاں چیزاں دا ذخیرہ کر گھدے ، تانجو کہیں وی اوکھے ویلھے اچ متاثریں کوں فوری طور تے سُکھ ڈتا ونج سگے ۔ انہاں آکھیا جو خیمے،کشتیاں،لائف جیکٹس،دوائیاں ، جراثیم کش گولیاں،ڈنگراں دے چارے اتے ویکسین دا ذخیرہ اپ ڈیٹ رکھیا ونجے ۔ انہاں آکھیا جو جیکر کہیں محکمے ولوں کوتاہی سامنڑیں آئی تاں اوندے خلاف سخت کاروائی عمل اچ گھن آئی ویسی ۔