جولائی دے دوران پام آئل دی درآمدات اچ 25.7فیصد دی گھٹکی

اسلام آباد ۔ 05 ستمبر (اے پی پی) جون دے مقابلے اچ جولائی 2016دے دوران پام آئل دی ملکی درآمدات اچ 25.7 فیصد دی گھٹکی واقع تھی ہے۔ ادارہ برائے شماریات پاکستان ( پی بی ایس) دے اعدادوشمار دے مطابق جون 2016 دے دوران پام آئل دی ملکی درآمدات داحجم 14.7 ارب روپے ریکارڈ کیتا گیا ہا جڈاں جو جولائی 2016 دے دوران پام آئل دی قومی درآمدات دا حجم 10.9 ارب روپے تئیں گھٹ تھی گیا اینویں جون 2016 دے مقابلے اچ جولائی 2016 دے دوران پام آئل دی ملکی درآمدات اچ 25.7 فیصد دی گھٹکی ریکارڈ کیتی گی۔