جھنگ،زہریلی قلفیاں کھاونڑ نال 59بندے ہسپتال پج گئے

جھنگ۔21ستمبر(اے پی پی ) زہریلی قلفیاں کھاونڑ نال 59بندے ہسپتال پج گئین۔ریسکیو ذرائع دے مطابق تھانڑاں کوٹ شاکر دے علاقے کوٹلی باقر شاہ اچ مقامی رہائشی بندے اسماعیل دے گھر تے اوندے پتر دی رسم حنا دی تقریب وچال شریک تھیونڑ سانگے آئے ہوئے بندیاں گھر دے باہر مقامی قلفی ویچنڑ آلا ارشاد ملاح توں کئی درجناں بالاں تے کجھ وڈیاں قلفیاں گھن کراہیں کھادی جئیں دے بعد اچاچیت انہاں دی طبیعت وگڑ گئی جئیں پاروں 59بندے ہسپتال پج گئے جنہاں کوں ریسکیو1122دے عملے رات کوں فوری طور تحصیل ہیڈ کواٹر ہسپتال پجایا جڈانجو ریسکیو1122دی ٹیماں جنہاں ڈاہ بندیاں دی طبیعت زیادہ خراب ہئی انہاں کوں ڈسٹر کٹ ہیڈ کواٹر ہسپتال جھنگ پجا ڈتا گئیا جتھاں انہاں کوں طبی امداد ڈتی ویندی پئی اے۔