جھنگ اچ مضر صحت آئسکریم کھاونڑ نال62 بالاں دی حالت غیر تھی گی

جھنگ ۔ 22 ستمبر (اے پی پی) جھنگ اچ مضر صحت آئسکریم کھاونڑ نال 62 بالاں دی حالت غیر تھی گی ۔ نجی ٹی وی چینل دی رپورٹ دے مطابق وستی کوٹلی باقر شاہ اچ شادی دی تقریب جاری ہئی جو ایں دوران بالاں باہر کھڑی ریڑھی توں آئیس کریم کھادی جیں دے بعد بالاں دی حالت غیر تھی گی ۔متاثرہ بالاں کوں تحصیل ہسپتال اٹھارہ ہزاری منتقل کر ڈتا گیا ہے ۔جتھاں انہاں کوں طبی امدا د ڈتی ویندی پئی ہے ،پولیس واقعے دی تحقیقات شروع کر ڈتی ہے ۔