اسلام آباد ۔ 28 ستمبر (اے پی پی) وفاقی وزیر منصوبہ بندی تے ترقی اصلاحات پروفیسر احسن اقبال آکھیا ہے جو جے سی سی دا اگلا اجلاس نومبر دے چھیکڑی ہفتے اچ تھیسی، اقتصادی راہداری منصوبہ پاکستان اتے چین دے تعلقات کوں ستاریں دی اچائی تے گھن ویسی ،46 ارب ڈالر دی چینی سرمایہ کاری پاکستان دی تاریخ دی ساریں توں وڈی سرمایہ کاری ہوسی ، 18 ارب ڈالر دے منصوبے عمل در آمد اچ آگے ہن جڈاں جو17 ارب ڈالر دے منصوبے پائپ لائناں اچ ہن۔ اے گالھ مہاڑ انہاں بیجنگ اچ چینی میڈیا نال گالھ مہاڑکریندے ہوئیں کیتی ۔ وفاقی وزیر آکھیا جو 46 ارب ڈالر دی چینی سرمایہ کاری پاکستان دی تاریخ دی ساریں توں وڈی سرمایہ کاری ہن جیں اچ 18ارب ڈالر دے منصوبیں تے عمل در آمد تھی گیا ہیجڈاں جو 17ارب ڈالر دے منصوبے تے کم جاری ہے ،ایندے علاوہ ارباں روپے دے منصوبے پاکستان دے بجٹ نال پورے کیتے ویندے پن ۔انہاںآکھیا جو نومبر 2016اچ چھیویں جائنٹ کوارڈینیشن کمیٹی دا اجلاس منعقد کراونڑ تے اتفاق تھی گیا ہے ایں اجلاس اچ اقتصادی راہداری دا آئندہ روڈ میپ منظور کیتا ویسی جیں اچ صوبیں دی نمائندگی وی ہوسی ۔انہاں آکھیا جو جے سی سی دا اگلا اجلاس نومبر دے چھیکڑی ہفتے اچ تھیسی ۔جے سی سی توں پہلے گوادر، ٹرانسپورٹ اتے صنعت اچ تعاون دے ورکنگ گروپس دی ملاقات کیتی ویسی تاں جو انہاں سفارشاں کوں جے سی سی دا حصہ بنڑایا ونج سگے ۔ وفاقی وزیر احسن اقبال آکھیا جو سی پیک دا خواب حقیقت دے پاسے وینداپئے۔انہاں آکھیا جو چین کراچی توں پشاور ریلوے لائن دی اپ گریڈیشن سانگے 5.5ارب ڈالر دے رعایتی قرضے دی فراہمی تے اتفاق کیتا ہے ،اے منصوبے ریل گاڈیاں دی رفتار 80کلو میٹر توں ودھا تے 160کلومیٹر فی گھنٹہ تئیں ودھا ڈیسی ۔انہاں آکھیا جوگوادر دے منصوبیں دی منظوری دے عمل کوں تکھا کرنڑ تے چین نال اتفاق تھی گیا ہے
