حکومت لوکیں کوں صحت دیاں بہوں چنگیاں سہولتاں ڈیونڑ کیتے کم کریندی پئی ہے ، سائرہ افضل تارڑ

اسلام آباد ۔ 07 ستمبر (اے پی پی) وزیر مملکت نیشنل ہیلتھ سروسز سائرہ افضل تارڑ آکھے جوحکومت لوکیں کوں صحت دیاں بہوں چنگیاں سہولتاں ڈیونڑ کیتے کم کریندی پئی ہے ۔ بدھ کوں میڈیا نال گالھ مہاڑکریندے ہوئیں انہاں آکھیا جو اساڈی حکومت لوکیںکوں ساریاں بنیادی سہولتاں انہاں دی درسال تے پجاونڑ کیتے کم کریندی پئی ہے۔ انہاں آکھیاجو سستی اتے معیاری دوائیاں ڈیونڑاساڈی پہلی ترجیح ہے۔ انہاں آکھیا جو ملک اچوں دہشت گردی، شدت پسندی، غربت اتے بیروزگاری کوں مکاونڑ اتے لوڈ شیڈنگ اتے افراط زر تے قابو پاونڑ کیتے ٹھوس اقدامات کیتے گئے ہن ، جیندے چنگے نتیجے سامنڑیں آندے پئے ہن ۔