سنگاپور ۔ 23 ستمبر (اے پی پی) ایشیائی آئل مارکیٹ وچ جمعہ کوں خام تیل دیاں قیمتاں وچ گھٹکی دا رجحان رہیا جیندی وجہ خام تیل دے پیداواری ملکاں دے آندے ہفتے تھیونڑ آلے اجلاس وچ ممکنہ اہم فیصلاں دے انتظار وچ سرمایہ کاراں دی محتاط تجارتی سرگرمیاں ہن۔ امریکا دے ویسٹ ٹیکساس انٹرمیڈیٹ دیاں قیمتا ں50 سینٹ دی گھٹکی نال 45.82 ڈالر فی بیرل دی سطح تے رہے جڈانجو برینٹ نارتھ سی کروڈ دے معاہدے 37 سینٹ دی گھٹکی نال 47.28 ڈالر فی بیرل وچ طے پائے۔ یاد رہوے جو ایں توں پہلے ڈو ڈینھاں دے دوران خام تیل دیاں قیمتاں وچ ودھار ا تھیا ہا،ایہ ودھار ڈبلیو ٹی آئی دیاں قیمتاں وچ 6.6 فیصد جڈانجو برینٹ نارتھ دیاں قیمتاں وچ 3.9 فیصد ریکارڈ کیتا گیا۔
