دفتر خارجہ دے ترجمان محمد نفیس زکریا دی پریس بریفنگ

اسلام آباد ۔ 08 ستمبر (اے پی پی)دفتر خارجہ دے ترجمان آکھیا جو بھارت پاکستان اچ دہشت گرداں دی معالی معاونت کریندا پئے ،اساڈے کنے ایں دے نشابر ثبوت موجود ہن ،وزیرا عظم نواز شریف اقوام متحدہ دی جنرل اسمبلی دے اجلاس اچ مسئلہ کشمیر سمیت ملک اچ پڑوسی ملک دی تخریب کاری اتے دہشت گرداں دی مالی معاونت دے معاملے چاتن ۔اے گالھ دفتر خارجہ دے ترجمان محمد نفیس زکریا خمیس کوں ہفتہ وار پریس بریفنگ وچال صحافیاں دے سوالاں دے جواب ڈیندیں ہوئیں آکھی۔جی20سربراہ اجلاس دے موقع تے بھارتی وزیر اعظم نریندر مودی دے پاکستان بارے بیان بارے سوال دا جواب ڈیندیں ہوئیں ترجمان آکھیا جو پاکستان اچ بھارت ولوں دہشت گرداں دی مالی معاونت اتے تخریب کاری دے ثبوت ہن ۔ وزیراعظم نوازشریف اقوام متحدہ دی جنرل اسمبلی دے اجلاس اچ بلوچستان اچ گرفتار را ایجنٹ کلبھوشن یادیو اتے مقبوضہ کشمیراچ بھارتی فورسز دے مظالم دے معاملے چیسن۔ترجمان آکھیا جو پاکستان اچ تخریبی سرگرمیاں اچ بھارت دے ملوث ہوونڑ دا معاملہ چاتا ویسی۔انہاں آکھیا جو کلبھوشن یادیو دے اعترافی بیان دنیا ڈتھن اتے سنڑین۔