اسلام آباد ۔ 26 ستمبر (اے پی پی) چیئرمین سینیٹ سینیٹر میاں رضا ربانی آکھے جو سیاسی رہنماواں دی ایوان بالا توں باہر کیتیاں گیاں تقریراں اُتے ایوان اچ تحریک التواء تے بحث نہیں کیتی ونج سگدی ۔ سنوار کوں ایوان بالا دے اجلاس اچ چیئرمین سینیٹ سینیٹر کامل علی آغا اتے سینیٹر اعظم سواتی ولوں الطاف حسین دی 22 اگست 2016ء کوں کیتی گئی تقریر بارے جمع کروائی گئی تحاریک التواء تے رولنگ ڈیندے ہوئیں آکھیا جو سیاسی رہنماوا ں دی ایوان بالا توں باہر کیتیاں گیاں تقریراں کوں ایوان اچ زیر بحث نہیں گھن آیا ونج سگدا۔ سیاسی رہنماوا ں دی ذاتی تے پارٹی خیالات تے ایں ایوان اچ تحریک التواء نہیں گھن آئی ونج سگدی ۔ ایں بارے سابق چیئرمیناں دیاں رولنگز وی موجود ہن ۔ ایں معاملے تے سینیٹر اعظم سواتی اتے کامل علی آغا تحاریک التواء جمع کروائیاں ہن ۔
