اسلام آباد ۔ 21 ستمبر (اے پی پی) صدر مملکت ممنون حسین آکھیا جو حکومت اقتصادی پالیسیاں پاروں قومی معیشت چنگی تھیندی پئی اے،بین الاقوامی مالیاتی ادارے وی پاکستان دی پالیسیاں کوں سراہے۔اے گالھ انہاں بدھ کوں ایوان صدر اچ صدر ممنون حسین نال وفاقی وزیر تجارت انجینئر خرم دستگیر دی ملاقات کریندیں ہوئیں آکھی۔صدر مملکت آکھیا جو قومی معیشت کوں مضبوط کرنڑ سانگے برآمدات اچ ودھارا اتے تجارتی شعبہ اچ بئے اقدامات کرنڑ دی لوڑھ اے۔انہاں آکھیا جو تجارت دے ودھارے سانگے اجوکی منڈیاں دے علاوہ نویں منڈیاں دی گول شروع کیتی ونجے تانجو اساڈے تجارتی حجم اچ ودھارا تھی سگے ۔صدر مملکت آکھیا جو برآمدکنندگان اتے تاجراں دے مسئلیاں دے حل ڈے وی وجہ ڈتی ونجے ۔
