عمران خان کوں وزیر اعظم نہ بنڑنڑ دا ڈکھ کھادی ویندے ، بے مقصد احتجاج کرنڑآلیاں دے ہٹھ کجھ کائناں امسی ، وزیر دفاعی پیداوار اتے سائنس و ٹیکنالوجی را نا تنویر حسین

لاہور۔4 ستمبر(اے پی پی )وفاقی وزیر دفاعی پیداوار اتے سائنس و ٹیکنالوجی را نا تنویر حسین آکھے جو عمران خان کوں وزیر اعظم نہ بنڑنڑ داڈکھ کھادی ویندے ، ایں سانگے سازشی ٹولے نال رل تے ملک اچ انتشار دی سیاست کو ں ہو اڈیندے پئے ہن ، عمران خان کڈاہیں مثبت سیاست کائنی کرسگے ، بے مقصد احتجاج کرنڑآلیاں دے ہتھ کجھ کائناں امسی ، آپر یشن ضرب عضب دیاں کا میابیاں اتے سی پیک منصوبے پا کستان مخالف طاقتاں کوں ہضم کائنی تھیندے پئے ، دہشت گردی توں نجات ڈیواونڑ کیتے حکومت اتے عسکری قیادت ہکو کجھ ہے اتے ساری قوم دہشت گردی دے خلاف جنگ اچ سکیورٹی فورسز دے نال کھڑی ہے ۔ پا کستان ترقی اتے خوشحالی دے رستے تے ٹردا پئے ، ملک کوں اندھارے اچ رکھنڑ آلیاں کوں جواب ڈیونڑاں ہوسی ۔ اے گالہیں انہاں لہور ایسٹرن کا لا شاہ کا کو با ئی پا س سنگ بنیاد دے کا میاب جلسے دے سلسلے اچ اظہار تشکر دی تقریب نال خطاب کریندے ہوئیں آکھیاں ۔ وفاقی وزیر آکھیا جو حکومت دیاں معاشی پالیسیاں پاروں پاکستان دی معیشت بحال تھیندی پئی ہے ، ملک اچ چین ،ترکی،سمیت بئے دوست ملکاں ارباں ڈالردی سرمایہ کاری کریندے پئے ہن ، سی پیک مصوبے گیم چینجر ہن ، انہاں منصوبیاں دے پورے تھیونڑنال پا کستان دا شمار دنیا دے ترقی یافتہ اتے خوشحال ملکاں دی صف اچ تھیسی ۔ انہاں آکھیا جو عمران خان ، قادری اتے پنڈی دے شیخ دا گٹھ جو ڑ ملکی ترقی اتے خوشحالی دی راہ اچ رکا وٹاں پاونڑ دے برا بر ہے ۔ 3ستمبر کو ں پا کستان دے غیور عوام حکومت مخالف تحریک کوں مسترد کرڈتا ، آندے عام انتخابات اچ انہاں دیاں ضمانتاں ضبط تھی ویسن۔انہاں آکھیا جو آپر یشن ضرب عضب دی کا میابی اتے سی پیک منصوبے پا کستان مخالف طاقتاں کوں ہضم نہیں تھیندے پئے ، مقبوضہ کشمیر اچ بھارت دی ریاستی دہشت گردی تے اساں کائناں باہسوں ۔ ایں توں پہلے میڈیا نال گالھ مہاڑ کریندے ہوئیں وفاقی وزیر را نا تنویر حسین آکھے جو عمران خان کوں وزیر اعظم نہ بنڑنڑ دا غم کھادی ویندے ، ایں سانگے او ترائے سالیں توں سازشی ٹولے ٹولے شیخ رشید اتے طا ہر القادری نال رل تے ملک اچ انتشار دی سیاست کو ںہو ا ڈیندے پئے ہن ۔ انہاں آکھیا جو احتجاج اتے دھرنیاں دی سیاست کوں لوکیں مسترد کرڈتے ، قوم ملک اچ ترقی اتے خوشحالی چاہندی ہے ۔