قومی اسمبلی اجلاس ،ایوان اچ تلاوت ،نعت دے بعد قومی ترانہ وجایا ونجے ایندے نال قوم اچ نواں جذبہ پیدا تھیسی ،فہمیدہ مرزا

اسلام آباد ۔7 ستمبر(اے پی پی) سابق سپیکر قومی اسمبلی ڈاکٹر فہمیدہ مرزا تجویز ڈتی ہے جو ایوان اچ کاروائی دے شروع اچ تلاوت تے نعت دے بعد قومی ترانہ وجایا ونجے ایندے نال قوم اچ ہک نواں جذبہ پیدا تھیسی ،وومن کاکس کوں دنیا منیندی ہے ،اینکوں فعال بنڑایا ونجے ،قومی کمیشن برائے تریمتاں دی چیئر پر سن دا تقرر کیتا ونجے ۔بدھ کوں قومی اسمبلی دے اجلاس اچ اعتراض دے نکتے تے ڈاکٹر فہمیدہ مرزا آکھیا جو قرآن پاک دی تلاوت اتے نعت رسول مقبول ۖدے بعد ایوان اچ قومی ترانہ وجا یا ونجے ایندے نال قوم اچ ہک چنگاں تے نواں جذبہ پیدا تھیسی ۔