اسلام آباد ۔02 ستمبر (اے پی پی) محکمہ موسمیات دے مطابق آندے 24گھنٹے دے دوران ملک دے ودھ سارے علاقین اچ موسم تتا تے رکھا رہسی ۔ تاں جو مالاکنڈ، ہزارہ ڈویژن، گلگت بلتستان،کشمیر اتے ایندے نیڑے پہاڑی علاقیں اچ کجھ جہیں تے کھمنڑ نال مینھ وسنڑ دا امکا ن ہے۔رپورٹ دے مطابق گزریل 24 گھنٹے دے دوران پنجاب،خیبر پختونخوا،گلگت بلتستان تے کشمیر اچ کہیں کہیں جاہ تے جڈاں جو ژوب ڈویژن اچ کجھ جہیں تے تکھی ہوا تے کھمنڑنال مینھ وسیا ۔ ساریں توں ودھ مینھ لاہور اچ 97 ملی میٹر جڈاں جو ٹوبہ ٹیک سنگھ 39، لیہ36، چکوال 16، بھکر 12، سرگودھا 12، اوکاڑہ 07، فیصل آباد06، قصور03،جوہر آباد 02، گوجرانوالہ، ساہیوال اتے کامرہ اچ ہک ملی میٹر ایندے علاوہ کالام11، کوہاٹ09، بالاکوٹ، ڈی آئی خان07، پٹن 05۔فاٹا ، پارہ چنار08، گوپس 04، سکردو03، استور اتے گلگت 02، گڑھی دوپٹہ 04، مظفرآباد 02 اتے ژوب اچ 02 ملی میٹر مینھ ریکارڈ کیتی گیا۔
