مقبوضہ جموں تے کشمیر اچ کیتے ونجنڑ آلے مظالم تے چین دے بیان دا خیر مقدم کریندیں ہیسے، وزیراعظم محمد نوازشریف

نیویارک ۔ 21 ستمبر (اے پی پی) وزیراعظم محمد نوازشریف آکھیا جو پاک چین تعلقات سیاسی تے اقتصادی نوعیت دے رابطیاں دی صورت اچ ہک مختلف مرحلے اچ وڑ چکین جیڑھا جو پاکستان سانگے انتہائی خوشی دا باعث امر اے جڈانجو چینی وزیر اعظم ڈو ٹوک لفظاں اچ آکھیا جو چین پاکستان نال کھڑے اتے ہر فورم تے پاکستان سانگے آواز چیسوں،اساں کشمیریاں بارے پاکستان دے موقف کوں انتہائی اہمیت ڈیندے ہیسے،امید اے جو بین الاقوامی برادری کشمیر بارے اچ پاکستان دے موقف کوں بہتر طور سمجھ سگسی،اساں پاکستان اتے بھارت وچال تعلقات اچ بہتری سانگے تعمیری کردار نبھاونڑ کوں تیار ہیسے،پاکستان دہشت گردی دا خود شکار اے ،اساں امید کریندے ہیسے جو پاکستان اتے بھارت وچال صورتحال کشیدہ کائنا تھیسی۔ڈوہا ں رہنمائواں اے گالھیں اقوام متحدہ دی جنرل اسمبلی دے 71ویں اجلاس دے موقع تے بدھ کوں اتھاں ملاقات وچال کیتی۔وزیراعظم دے مشیر برائے خارجہ امور سرتاج عزیز، وزیراعظم دے معاون خصوصی برائے خارجہ امور طارق فاطمی اتے خارجہ سیکرٹری اعزاز احمد چوہدری اتے بنہاں وزیر اعظم دی معاونت کیتی۔ڈوہاں رہنمائواں پاکستان اتے چین ولوں آپنڑی عوام اتے خطے سانگے امن تے ترقی دے سانجھے وژن تے گھاٹے رابطیاں سانگے کوششاں تے اطمینان کیتا۔ ایں موقعے تے چینی وزیراعظم لی کی چیانگ آکھیا جو چین پاکستان دے نال کھڑا ہوسی ، اساں پاکستان دی حمایت کریندے ہئیں ، اتے اساں ہرجاہ تے پاکستان کیتے آوازچیسوں ۔ اساں پاکستان اچ چینی اہلکاراں دے تحفظ اتے سلامتی کیتے ودھ سارے وسائل دی سرمایہ کاری کرنڑ تے وزیراعظم محمد نوازشریف دے مشکور ہئیں ۔ انہاں آکھیا جو اساں کشمیر بارے پاکستان دے موقف کوں بہوں اہمیت ڈیندے ہئیں ۔ چینی وزیراعظم آکھیا جو پاکستان دہشت گردی دا آپ شکار ہے،اساں امید کریندے ہئیں جو پاکستان اتے بھارت وچال صورتحال کشیدہ کائناں تھیسی ۔ چینی وزیراعظم آکھے جو اساں اے وی امید رکھیندے ہئیں جو عالمی برادری کشمیر بارے پاکستان دے موقف کوں چنگے طریقے سمجھسی