اسلام آباد ۔ 15 ستمبر (اے پی پی)ملتان اچ عوام ایکسپریس اتے مال گاڈی وچال ٹکر پاروں 4 بندے جاں بحق اتے 40توں ودھ زخمی تھی گئے ہن ۔ پی ٹی وی دے مطابق ملتان دے علاقے شیرشاہ اچ شجاع آ باد ونجنڑآلی ریلوے لائن تے عوام ایکسپریس اتے مال گاڑی اچ خوفناک تصادم دے نتیجے اچ 4 بندے جاں بحق جڈانجو 40توں ودھ زخمی تھی گئے ہن ۔ ڈی سی او نادر چٹھہ دا آکھنڑ ہے جو مال گاڈی دے تلے ہک بندہ آتے جاں بحق تھی گیا ،جئیں پاروں مال گاڈی رُک گئی ، اتے 15 منٹ بعد عوام ایکسپریس پہلے توں کھڑی مال گاڈی نال ٹکراگئی۔حادثے پاروں عوام ایکسپریس دیاں چار بوگھیاں پٹری توں تلے لہہ گیاں اتے ودھ سار ے مسافر بوگھیاں اچ پھس تے رہ گئے ۔ ریسکیو اہلکاراں سارے مسافراں کوں باہر کڈھ گھدا ۔ حادثے دا شکارعوام ایکسپریس پشاورتوں کراچی ویندی پئی ہئی ۔ زخمیاں کوں نشتر ہسپتال ملتان اچ منتقل کرڈتا گئے جتھاں 10 زخمیاںدی حالت تشویشناک ڈسائی ویندی پئی ہے ۔
