ملک اچ براڈ بینڈ صارفین دی تعداد 3کروڑ 46ہزار توں ودھ گی

اسلام آباد ۔02 ستمبر (اے پی پی) ملک اچ براڈ بینڈ صارفین دی تعداد 3 کروڑ 46 ہزار توں وی ودھ گی ہے۔ پاکستان ٹیلی کمیونیکیشن اتھارٹی (پی ٹی اے) دی رپورٹ دے مطابق 31 اگست 2016 تئیں تھری تے فور جی دے صارفین دی تعداد اچ مسلسل ودھارا تھیندا پے۔ رپورٹ دے مطابق ایں ویلھے ملک اچ ڈی ایس ایل دے صارفین دی تعداد 1.42 ملین، ایچ ایف سی 46 ہزار 167، وائی میکس ہک لکھ 83 ہزار 181، ایف ٹی ٹی ایچ 25 ہزار 665تے ایوو دے صارفین دی تعداد ڈاہ لکھ توں وی ودھ گی ہے۔ رپورٹ دے مطابق ملک اچ تھری تے فور جی صارفین 31.77 ملین توں ودھ گے ہن اتے مئی دے مقابلے اچ اگست 2016دے چھیکڑ تئیں 29.5فیصد ودھارا ریکارڈ کیتا گیا ہے ۔