اسلام آباد ۔26 ستمبر (اے پی پی) میانوالی وچ بس اتے منی ٹرک وچال تصادم دے نتیجے وچ 4 بندے جاں بحق اتے3 زخمی تھی گئے ہن ۔ نجی ٹیلی ویژن دے مطابق میانوالی دے علاقے ٹبی موڑ ایم ایم روڈ تے کراچی توں مانسہرہ ونجنڑ آلی تکھی رفتار مسافر بس بئے پاسوں آونڑ آلے منی ٹرک وچ ونج جا وجی جیندے نتیجے وچ 4 بندے موقع تے جاں بحق اتے3 زخمی تھی گئے ۔ ریسکیو حکام دے مطابق جاں بحق بندیاں دیاں لعشاں اتے زخمیاں کوں طبی امداد سانگے ڈسٹرکٹ ہسپتال میانوالی منتقل کرڈتا گئے ۔
