لاہور۔21ستمبر(اے پی پی ) صوبائی وزیر کو آپریٹو تے چیئرمین چولستان ڈویلپمنٹ اتھارٹی ملک محمد اقبال چنڑ آکھیا ہے جو نوجوان ملک دا مستقبل ہن انہاں اپنڑی قابلیت ،ذہانت تے علم نال ملک دی تعمیر تے ترقی اتے امن واستحکام دے قیام سانگے کم کرنڑاں ہے۔ انہاں آکھیا جو مقبول ٹی وی ڈرامہ ” عینک آلا جن”دے کرداراں بہوں خوبصورت اتے چنگے انداز وچ ملک وچ امن دے قیام اتے دہشتگردی مکاونڑ سانگے حکومت اتے پاک فوج دے کردار کوں پیش کیتا ہے۔ اے گالھ مہاڑ انہاں رشیدیہ آڈیٹوریم بہاولپوراچ آرٹ کونسل اتے الصادق ڈیزرٹ ویلفیئر آرگنائزیشن دی سانجھ نال پیش کیتے گئے” عینک آ لاجن” سٹیج ڈرامے دے موقع تے تقریب نال خطاب کریندے ہوئیں کیتی۔ ایںموقع تے ریذنڈنٹ ڈائریکٹر آرٹ کونسل تے ڈائریکٹر تعلقات عامہ رانا اعجاز محمود ، صدر الصادق ڈیزرٹ ویلفیئر آرگنائزیشن ریاض احمد بلوچ،ملک اعجاز آرائیں چیئرمین سول سوسائٹی فورم،رانا عامر شہزاد،پروین عطا ملک ایڈووکیٹ،عبدالغفار خان بلوچ ،ڈاکٹر اسلم انصاری، صادق بپلک سکول دے طلباء ،استاد اتے سول سوسائٹی دے ممبر موجود ہن۔ انہاں خوبصورت اتے تعمیر ی سٹیج ڈرامہ” عینک آلا جن دے کرداراںاتے بہاولپور آرٹس کونسل دے ریذیڈنٹ ڈائریکٹر اتے انہاں دی ٹیم دیاںکاوشاں کوں خراج تحسین پیش کیتا۔
