نومبر توں پہلے سارے آئی ڈی پیز گھراں واپس ٹر ویسن ،وفاقی وزیر سیفران لیفٹیننٹ جنرل (ر) عبدالقادر بلوچ دی قومی اسمبلی اچ گالھ مہاڑ

اسلام آباد ۔ 28 ستمبر (اے پی پی) وزیر سیفران لیفٹیننٹ جنرل (ر) عبدالقادر بلوچ آکھیا ہے جونومبر توں پہلے سارے آئی ڈی پیز اپنڑے گھر واپس ٹر ویسن ۔فاٹا اصلاحات تے ارکاناں توں چنگی توقع ہے ۔بدھ کوں قومی اسمبلی اچ سوالاں دے وقفے دے دوران ڈاکٹر شازیہ ثوبیہ دے سوال دے جواب اچ لیفٹیننٹ جنرل (ر) عبدالقادر بلوچ آکھیا جو نومبر توں پہلے سارے آئی ڈی پیز اپنڑے گھر واپس ٹر ویسن ۔ودھ سارے لوک ٹر گئے ہن۔ اساں فاٹا ریفارمز تے تجاویز گھندے پیوں۔ ارکان وی اپنڑیاں تجویزاں ڈیون ۔ چنگائی دی گنجائش موجود ہے۔ فاٹا اچ اتنے وسائل کائنی جو انہاں کوں انجھ صوبہ ڈتا ونجے۔ فاٹا اصلاحات دے حوالے نال کمیٹی رپورٹ کوں چھیکڑی شکل ڈتے ڈتی ہے ۔ شگفتہ جمانی دے سوال دے جواب اچ لیفٹیننٹ جنرل (ر) عبدالقادر بلوچ ڈسایا جو فاٹا سانگے 2015-16دے دوران 165 اسکیماں سانگے 3 ارب 86 کروڑ روپے رکھیے گے ہن۔