وزیراعظم انٹرن شپ پروگرام 2016-17نال آئی ٹی گریجویٹس نینگراںکوں انٹرن شپ فراہمی سانگے وختی اشتہار جاری کیتا ویسی،وزیر مملکت انوشہ رحمن دی ایم ڈی ”پی ایس ای بی”کو ںہدایت

اسلام آباد ۔ 06 ستمبر (اے پی پی) وزیر مملکت انفارمیشن ٹیکنالوجی اینڈ ٹیلی کمیونیکیشن انوشہ رحمن ایم ڈی پاکستان سافٹ ویئر ایکسپورٹ بورڈ کوں ہدایت کیتی ہے جووزیراعظم انٹرن شپ پروگرام 2016-17دے تحت آئی ٹی گریجویٹس نینگراں کوں انٹرن شپ فراہمی سانگے وختی اشتہار جاری کرن تاں جو انہاں نینگراں آئی ٹی گریجویٹس کوں عملی تربیت ڈیونڑ سانگے ملک دی ممتاز آئی ٹی کمپنیاں، ٹیلی کام سیکٹر دے آئی ٹی ڈیپارٹمنٹس، بینکاں تے ایں طرح دے ڈوجھے اہم اداریں نال 6مہینے سانگے جوڑیا ونج سگے تاں جوانہاں نینگراں کوں روزگار مل سگے ۔اے گالھ منگل کوں وزارت انفارمیشن ٹیکنالوجی اچ پاکستان سافٹ ایئر ایکسپورٹ بورڈ دے 34ویں بور ڈ آف ڈائریکٹرز دے اجلاس دی صدار ت کریندے ہوئیں آکھی ۔اجلاس اچ وفاقی سیکرٹری آئی ٹی رضوان بشیر خان، ممبر ایچ آر طاہر مشتاق، ایم ڈی پی ایس ای بی عاصم شہر یار حسین، پاکستان سافٹ ویئر ہائوسز ایسوسی ایشن اتے ٹی ڈیپ دے نمائندے اتے بئے بورڈ ممبرزوی شریک تھئے ۔