وزیراعظم محمد نوازشریف دا اقوام متحدہ دی جنرل اسمبلی دے 71 ویں اجلاس نال خطاب

نیویارک ۔ 21 ستمبر (اے پی پی) وزیراعظم محمد نوازشریف آکھیا جو سلامتی کونسل دی قرارداداں دے مطابق اقوام متحدہ مسئلہ کشمیر دے حل اتے کشمیریاں کوں انہاں دے حق خودارادیت ڈیونڑ دا وعدہ پورا کرے،مقبوضہ کشمیر اچ ماورائے عدالت ہلاکتاں دی تحقیقات سانگے آزادانہ انکوائری اتے قوام متحدہ دے فیکٹ فائنڈنگ مشن نال مقبوضہ کشمیر اچ بھارتی قابض فوج ولوں کیتے ونجنڑ آلے مظالم دی تحقیقات کرائی ونجے اتے انہاں مظالم اچ لوکاں کوں سزا ڈتی ونجے،سارے کشمیری سیاسی قیدیاں کوں فوری رہا کیتا ونجے،کشمیریاں کوں پر امن احتجاج سانگے آزادی،زخمیاں سانگے فوری طبی امداد دی فراہمی اتے بھارت دے کالے قوانین کوں منسوخ کیتا ونجے،بھارت کوں ہک واری ولا مذاکرات دی پیش کش کریندے ہیسے،ذمہ وار جوہری طاقت دی حیثیت نال گھٹ توں گھٹ برقرار رکھیسوں،سارے عالمی معیارات دے مطابق نیو کلیئر سپلائر گروپ دی رکنیت دے اہل ہیسے،افغانستان اچ پیش رفت ایں ویلھے یقنی ہوسی جڈاں افغان فریقین خود ایں نتیجے تے پجسن جو افغان جنگ دا کوئی فوجی حل کائنی،افغان امن عمل دی حمایت جاری رکھیسوں،باہرلی سرپرستی اچ دہشت گردی اتے پاکستان اچ خلفشار پیدا کرنڑ سانگے عدم استحکام دی دھمکیاں دی موکل کائنا ڈیسوں،اساڈے لکھاں شہریاں اتے ہزاراں سکیورٹی اہلکار دہشت گردی دے حملے اچ جاں بحق یا زخمی تھی چکین،آپریشن ضرب عضب قانون دے نفاذ اتے ٹارگٹڈ آپریشنز دی اساڈی جامع حکمت عملی دے شاندار نتیجے امدے پئن۔اے گالھیں انہاں بدھ کوں اقوام متحدہ دی جنرل اسمبلی دے 71 ویں اجلاس نال خطاب اچ آکھی۔وزیراعظم آکھیا جو جنوبی ایشیای اچ محاز آرائی اساڈا مقدر نی ہوونڑاں چاہیدا،پاکستان بھارت نال امن مذاکرات چاہندے۔اساں ایں مقصد کوں حاصل کرنڑ سانگے اگوں ودھ کراہیں بارہا بھارت کوں مذاکرات دی پیش کش کیتی اے تانجو سارے تصفیہ طلب مسئلیاں کوں جلدی حل کیتا ونج سگے تانجو بھارت گالھ مہاڑ سانگے ناقابل قبول پیشگی شرطاں عائد کیتی ہن ۔انہاں آکھیا جو ساکوں اے سمجھنڑاں چاہیدا اے جو مذاکرات صرف پاکستان سانگے فائدہ مند کائنی جڈانجو مذاکرات ڈوہاں ملکاں دے فائدے اچ ہن ۔مذاکرات اساڈے اختلافات طے کرنڑ،خصوصی طور جمو ں تے کشمیر دے تنازعے د ے حل دے بغیر ممکن کائنی ۔اے ہک حقیقت پسندانہ سوچ اے جو نہ صرف جانبدارانہ موقف۔وزیر اعظم آکھیا جو بین الاقوامی قانون اتے اقوام متحدہ دے حق خودارادیت بارے اعلامیے کشمیری عوام کوں آپنڑی آزادی سانگے جدوجہد د ا حق ڈیندے ہن ،ہر سال جنرل اسمبلی اتفاق رائے نال قرارداد پاس کریندی اے جئیں اچ سارے لوکاں سانگے حق خودارادیت دا اعادہ کیتا ویندے اتے متعلقہ ریاستاں تے زور ڈتا ویندے جو او فوری طور آپنڑاں قبضہ ختم کر تے ہر قسم دے مظالم بند کرن۔