پرامن ہمسائیگی دے عزم کوں کمزوری نہ سمجھیا ونجے
اساڈی بہادر مسلح فوج مادر وطن دی علاقائی سالمیت دے تحفظ دی چنگی صلاحیت رکھیندی ہے
اسلام آباد ۔ 29 ستمبر(اے پی پی) وزیراعظم محمد نوازشریف بھارتی افواج ولوں بلااشتعال اتے کھلی جارحیت دی ودھ ساری مذمت کیتی ہے جیں دے نتیجے اچ لائن آف کنٹرول تے 2 پاکستانی فوجی شہید تھی گن۔ وزیراعظم شہید تھیونڑ آلے فوجیاں کوں زبردست خراج عقیدت پیش کریندے ہوئیں آکھیا ہے جو پر امن ہمسائیگی دے اساڈے عزم کوں کمزور ی نہ سمجھیا ونجے اتے اینداغلط مطلب وی نی گھننڑاں چاہیدا ۔ وزیراعظم آکھیا جو اساڈی مسلح فوج مادر وطن دی علاقائی سالمیت دے تحفظ اتے پاکستان دی خود مختاری کوں مجروح کرنڑ دے ناپاک عزائم کو ںناکام بنڑاونڑ دی چنگی صلاحیت رکھیندی ہے۔
