اسلام آباد ۔02 ستمبر (اے پی پی) وزیراعظم محمد نوازشریف مردان اچ دہشت گرد حملے دی ودھ ساری مذمت کریندے ہوئیں آکھیا جو ایہو جہیاں بزدلانہ کاروائیاں دے خلاف پکے عز م کوں کچا نی کر سگدے ۔جمعے کوں مردان اچ دہشت گردی دی کاروائی اچ شہید تھیونڑ آلیں دے ٹبراں نال دلی ہمدردی دا اظہار کریندے ہوئیں انہاں دعا کیتی جو اللہ سئیں مرحوماں کوں اپنڑی جوار رحمت اچ جاہ ڈیوے اتے ڈکھی ٹبر کوں اے ڈکھ براداشت کرنڑ دا حوصلہ ڈیوے ۔وزیر اعظم آکھیا جو بچے کچھے عناصر مایوسی دے عالم اچ سوکھے اہداف کوںنشانہ بنڑیندے پئے ہن انہاں کوں پاکستان اچ لک ونجنڑ دی کوئی جاہ کائناں ملسی
