اسلام آباد ۔ 11 ستمبر (اے پی پی) وزیراعظم محمد نواز شریف آکھے جو بابائے قوم قائداعظم محمد علی جناح دے نظریے دے مطابق ملک اچ انتہا پسندی دی کئی جاہ کائنی ، موجودہ جمہوری حکومت ملک کوں قائداعظم دا پاکستان بنڑاونڑ کیتے پرعزم ہے۔ انہاں اتوار کوں بابائے قوم قائداعظم محمد علی جناح دے 68 ویں یوم وفات دے موقعے تے آپنڑیں سنیہے اچ ایں عزم کوں دہرایا جو موجودہ جمہوری حکومت ملک کوں حقیقی معنی اچ قائداعظم دا پاکستان بنڑاونڑا چ کئی وی کسر کائنی رکھیسی۔ انہاں آکھیا جو ساری قوم اج قائداعظم محمد علی جناح دی برسی پورے عقیدت تے احترام نال منیدی پئی ہے ۔ انہاںآکھیا جو بابائے قوم قائداعظم محمد علی جناح کوں خراج عقیدت پیش کرنڑدا بہترین طریقہ پاکستان کو ں انہاںد ے وژن دے مطابق پرامن ، جدید، فلاحی اتے ترقی یافتہ اسلامی ملک بنڑاونڑ کیتے سنجیدہ کوششیں کرنڑہے۔ وزیراعظم محمد نواز شریف آکھیا جو قائداعظم دا شمار دنیا دے عظیم رہنماواں اتے مدبر سیاستداناں اچ تھیندے ۔ انہاں برصغیر دے مسلماناں دی تحریک آزادی دی کامیاب قیادت کیتی اتے دنیا دی پہلی اسلامی نظریاتی ریاست قائم کیتی۔ تحریک آزادی قائداعظم دی سیاسی بصیرت کوں ظاہرکریندی ہے جیکوں تریخی حوالے دے طور تے یاد رکھیا ویسی ۔ انہاں ہمیشہ آئین تے قنون دی پاسداری کیتی اتے سیاست اچ مثبت اقدار کوں مضبوط کیتا۔ انہاں آکھیا جو قائداعظم برصغیر دے مسلماناں کوں اتحاد، ایمان اتے تنظیم دا درس ڈتا جیہڑ ا جو اج وی اساڈے کیتے سیدھا رستہ ہے ۔ انہاں آکھیا جو ملک اچ امن وامان دی صورتحال اچ نمایاں بہتری آئی ہے اتے انتہا پسند عناصر دی کمر تروڑ ڈتی گئی ہے ۔ حکومت لوڈ شیڈنگ دے خاتمے کیتے ڈینھ رات کم کریندی پئی ہے ،جیہڑی جو اقتصادی ترقی اچ وڈی رکاوٹ رہی ہے ۔
