نیویارک ۔ 22 ستمبر (اے پی پی) وزیراعظم محمد نواز شریف دی اقوام متحدہ دے سیکرٹری جنرل بان کی مون نال نیویارک اچ ملاقات کیتی جئیں اچ وزیر اعظم کشمیر دا مسئلہ چاتا اتے عالمی ادارہ دے سربراہ کوں مقبوضہ کشمیر اچ بھارت دے ہتھوں معصوم شہراں دی ہلاکت دے ثبوت ڈتے جڈانجو انہاں کوں ریاستی دہشت گردی دے شکار بے گناہواں اتے نہتے لوکاں دی تصویراں ڈکھائی۔بان کی مون قابض بھارتی فورسز ولوں پیلٹ گنز دے استعمال آلی ظلم تے بربریت دی تصویراں ڈیکھ کراہیں افسوس اتے ڈکھ کیتا۔وزیر اعظم مقبوضہ کشمیر دی صورتحال بارے بان کی مون دے بیان تے شکریہ ادا کیتا۔وزیر اعظم گزریل74ڈینھاں اچ مقبوضہ کشمیر اچ 100بندیاں دی شہادت اتے انی پیلٹ گنز دا بے دریغ استعمال بارے ڈسیا جئیں نال سینکڑاں بندے نابینا تھی گئے ۔وزیر اعظم اقوا م متحدہ دے سیکرٹری جنرل کوں مقبوضہ کشمیر اچ مسلسل کرفیو،کشمیری رہنمائواں دی گرفتاریاں،زخمیاں دے علاج معالجہ توں انکار خصوصی طور بینائی توں متاثرہ اتے پیلٹ گنز فائرنگ دے شکار بندیاں دا علاج نہ کراونڑ دی بھارتی روش بارے ڈسایا۔بان کی مون دنیا اچ امن اتے استحکام سانگے پاکستان دی کوششاں کوں سراہیا،سیکرٹری جنرل اقوام متحدہ اچ پاکستان دے اہم اتے متحرک کردار دی تعریف کیتی۔
