نیویارک ۔ 23 ستمبر (اے پی پی) وزیراعظم محمد نواز شریف اقوام متحدہ اچ زبردست سفارتی کوششاںدے پنج مصروف ڈینھ گزارنڑ دے بعد وطن واپسی کیتے جمعہ کو ں اتھاں لندن روانہ تھی گئین ۔ وزیراعظم اقوام متحدہ دی جنرل اسمبلی توں خطاب اچ مقبوضہ کشمیر انسانی حقوق دیاں سنگین خلاف ورزیاں کوں نشابر کیتا اتے عالمی ادارہ تے زور ڈتا جو او کشمیری عوام دے حق خود ارادیت کیتے آپدی قرارداداں تے عملدرآمد کرواوئے۔ کینیڈی انٹرنیشنل ایئرپورٹ تے انھاں کوں اقوام متحدہ اچ پاکستان دی سفیر ملیحہ لودھی، سفیر جلیل عباس جیلانی اتے پاکستان مشن دے ڈوجھے سینئر حکام الوداع کیتا۔ اقوام متحدہ دے ماہرین دے مطابق وزیراعظم دیاں مؤثر کوششاں دے نتیجہ اچ کشمیر کازنشابر تھئے جنھاں ایں مسئلہ آلے پاسے عالمی برادری دی توجہ کرائی۔ وزیراعظم دے دورہ دا اہم پہلو اقوام متحدہ دی جنرل اسمبلی نال انھاں دا خطاب ہا جیندے اچ انھاں عشراں پرانے تنازعہ کشمیر کو ںدنیا بھر دے اعلیٰ سطحی نمائندیاں دے سامنڑھے تفصیل دے نال پیش کیتا۔ وزیراعظم کشمیر اچ بھارتی مظالم توں متعلق اقوام متحدہ دے سربراہ کوں ہک دستاویزوی پیش کیتی اتے آکھیا جو سلامتی کونسل دے مستقل اراکین برطانیہ، چین، فرانس، روس اتے امریکہ کو ں وی اے دستاویز پیش کیتیاں ویسن جڈاں جو دنیا بھراچ پاکستان دے سفارتکاراں کو ں وی ہدایت کیتی گئی اے جو او متعلقہ ملکاں دی حکومتاں کو ںمقبوضہ کشمیر اچ انسانی حقوق دیاں خلاف ورزیاں توں آگاہ کرن وزیراعظم آکھے جو دنیا کو ںکشمیریاں تے تھیونڑ آلے مظالم توں آگاہ کریندے رہسن۔
