اسلام آباد ۔ 30 ستمبر (اے پی پی) وزیراعظم محمد نواز شریف پارلیمانی جماعتاں کوں کشمیر اتے لائن آف کنٹرول دی تازہ ترین صورتحال بارے آگاہ کرنڑ سانگے پارلیمانی سربراہواں دا اجلاس سنوار کوں سڈ گھدے ۔ وزیراعظم ہائوس ولوں جاری بیان دے مطابق لائن آف کنٹرول تے اجوکی کشیدگی دے تناظر اچ اتے کشمیری بھراواں نال اظہار یکجہتی ڈیکھاونڑ سانگے وفاقی کابینہ دا اجتماعی ردعمل اہم پہلا قدم ہئی ۔ بیان اچ آکھیا گیا ہئی جو ڈوجھا قدم کشمیری عوام دی آپنڑیں جائز حق خود ارادیت کیتے جدوجہد اچ پاکستان دی اخلاقی، سفارتی اتے سیاسی حمایت دے اعادے سانگے ساریاں پارلیمانی جماعتاں دی اجتماعی آواز چاونڑاں ہوسی ۔ اے قومی سلامتی کو ںناقابل تسخیر بنڑاونڑ دے قومی عزم دا اعادہ وی ہوسی ۔
