وزیراعظم مہلک بیماریاں دے علاج دی لاگت ودھ ہونڑ پاروں خصوصی فنڈ قائم کیتے ،ابتدائی رقم 10کروڑ توں ودھ تے 30 کروڑ روپے کرڈتی گئی ہے ، شیخ آفتاب

اسلام آباد ۔ 03 ستمبر (اے پی پی) وفاقی وزیر پارلیمانی امور تے انچارج وزیراعظم شکایات سیل شیخ آفتاب احمد آکھے جو حکومت نہ صرف اجتماعی جڈانجو انفرادی سطح تے وی لوکیں دے مسئلے حل کرنڑ کیتے پُر عزم ہے ۔ بہوں خطرناک بیماریاں دے علاج دی لاگت ودھ ہونڑ پاروں وزیراعظم خصوصی فنڈ قائم کیتے ،جڈانجو خصوصی فنڈز دی ابتدائی رقم 10کروڑ توں ودھا تے 30 کروڑ روپے کرڈتی گئی ہے ۔ وزارت پارلیمانی امور توں جاری بیان دے مطابق وزیراعظم شکایات سیل دے ذریعے سارے ملک اچ غریب مریضاں دے مہانگے علاج دیاں درخواستاں تے غوردے بعد انہاں کوں علاج کیتے مالی امداد ڈتی ویندی پئی ہے ۔ انہاں آکھیا جو غریب مریضاں دے علاج دے عمل اچ کہیں امیر یا وی آئی پی دی درخواست منظورکائنی کیتی ویندی ۔ متعلقہ ضلعی انتظامیہ اتے میڈیکل بورڈ دی منظوری دے بعد درخواستاں تے کارروائی کیتی ویندی ہے ۔ انہاں آکھیا جو وزیراعظم شکایات سیل کوں بیاں موثر بنڑاونڑ کیتے آن لائن ویب پورٹل فری نمبر کوںتکھے شروع کر ڈتا ویسی ۔