اسلام آباد ۔ 30 ستمبر (اے پی پی) وفاقی حکومت نیاکتوبر سانگے پٹرولیم مصنوعات دے نرخ برقرار رکھنڑ دا فیصلہ کیتے۔ وزیر اعظم محمد نواز شریف اوگرا ولوں پٹرولیم مصنوعات دے نرخ اچ ودھارے دی سمری کوں مسرد کر ڈتے۔وفاقی وزیر خزانہ سینیٹر اسحاق ڈار جمعہ کوں میڈیا کوں ڈسایا جو گزریل کئی مہینیاں توں کوشش کیتی ویندی پئی اے جو قیمتاں کوں مستحکم رکھیا ونجے اتے عام لوکاں کوں ریلیف ڈتا ونجے ۔ایں بارے وزیر اعظم پٹرولیم مصنوعات دے نرخاں اچ ودھارا نہ کرنڑ دا فیصلہ کیتے۔
