اسلام آباد ۔ یکم ستمبر (اے پی پی)وزیر اعظم محمد نواز شریف ممتاز صحافی زاہد ملک دے انتقال تے ودھ سارے ڈکھ دا اظہار کیتا ہے ۔خمیس کوں اپنڑے ہک تعزیتی سنھیے اچ انہاں دعا کیتی جو اللہ سئیں مرحوم کوں اپنڑی جوار رحمت ا چ جاہ ڈیوے تے انہاں دے ٹبر کوں اے ڈکھ برداشت کرنڑ دا حوصلہ ڈیوے۔ وزیر اعظم آکھیا جو زاہد ملک ہمیشہ آزادی صحافت دے حامی رہیے ،انہاں آکھیا زاہد ملک اپنڑے صحافتی کیریئر دے دوران اساکوں اپنڑے قابل قدر خیالاں تے تجربے توں فائدہ پجایا وزیراعظم آکھیا جو زاہد فاروق ملک دی فوتگی ملک تے شعبہ صحافت سانگے ہک وڈا ضیان ہے ۔پاکستان اچ صحافت دی ترقی سانگے انہاں دیاں خذمتاں کوں ہمیشہ یاد رکھیا ویسی ۔
