اسلام آباد ۔ 22 ستمبر (اے پی پی) قومی اسمبلی دی سٹینڈنگ کمیٹی برائے کشمیر دے رکن میجر(ر) طاہر اقبال آکھیا ہے جو بھارت مقبوضہ کشمیر دے مسئلے دے حل سانگے اپنڑے قائد جواہر لال نہرو دی پیش کیتی گئی قرار داد کوں منڑ کوں وی تیار کائنی ہے۔ریڈیو پاکستان نال گالھ مہاڑکریندے ہوئیں انہاں آکھیا جو 70 سال لنگھ گن اتے مسئلہ کشمیر جوںداتوں ہے اتے بھارت مقبوضہ وادی وچ مسلسل انسانی حقوق دی پامالیاں کر یندا پیا ہے ۔ انھاں آکھیا جو بھارتی ظلماں توں تنگ آتے کشمیری نوجوان ہک واری پورے جوش تے جذبے نال میدان وچ آگئے ہن اتے نوجواناں دا آکھنڑ ہے جو ہنڑ اوہ بھارتی جارحیت دا بدلہ اتے حق خود ارادیت دے تحت آزادی حاصل کیتے بغیر سوکں نال کائناں باہسن۔میجر(ر) طاہر اقبال آکھیا ہے جو بھارت مقبوضہ کشمیر وچ گزریل ترائے مہیناں توںکرفیو لاتا ہویا ہے اتے لوکاں دے گھرتوں باہر نکلنڑ تے مکمل پابندی ہے۔ انھاں آکھیا جو جاری تحریک دے دوران بھارتی فوج سو توں ودھ نوجواناں کوں شہید اتے ہزراں کوں زخمی کر چکی ہے ظلم دی انتہا ایہ ہے جو زخمیاں کوں ہسپتال گھن ونجڑ آلیاں ایمبولینساں تے حملے، ڈاکٹراں اتے پیرا میڈیکل سٹاف کو ںہراساں کیتا ویندے پئے۔ ہک سوال دے جواب وچ انھاں آکھیا جو وزیر اعظم محمد نواز شریف ولوں ہیومین رائٹ کمشن کوں خطوط ، جنرل اسمبلی وچ خطاب اتے عالمی رہنماواں نال ملاقاتاں نال مسئلہ کشمیر مثبت اندازوچ اجاگر تھیا ہے ۔ انھاں آکھیا جو ہنڑ وقت آگئے اتے مسئلہ کشمیر وختی حل تھیسی۔
