اسلام آباد ۔ 18 ستمبر (اے پی پی) وفاقی وزیر خزانہ سینیٹر محمد اسحاق ڈار نال پاکستان اچ ہالینڈ دے سفیر نے اتوار کوں ملاقات کیتی ۔ایں موقعے تے ایں گالھ تے اتفاق کیتا گئے جو عالمی بینک اتے آئی ایم ایف دے سالانہ اجلاس دے موقعے تے 8 اکتوبر کو ںوزیر خزانہ محمد اسحاق ڈار اتے ہالینڈ دی ملکہ کوئین میکسیما دی ملاقات تھیسی ۔ ملاقات اچ اے وی فیصلہ کیتا گئے جو ملکہ میکسیما جیہڑے ویلھے بذریعہ ویڈیو لنک نیشنل فنانشل انکلوژن کونسل دے اجلاس اچ شرکت دا فیصلہ کرن تاں اجلاس کوں فوری طور تے کیتا ونجے ۔ ایں توں علاوہ وزیر خزانہ پاکستان اچ ٹیکس دے معاملات تے ہالینڈ دی معاونت کیتے سفیر دیاں کوششاں دی تعریف کیتی ۔ ایں توں علاوہ اراکین پارلیمنٹ دی ٹیکس ڈائری برائے ٹیکس سال 2015 ء دی اشاعت کیتے انہاں دیاں کوششاں دی تعریف کیتی ۔
