وفاقی وزیر خزانہ سینیٹر اسحاق ڈارنال ایشیائی ترقیاتی بینک دے کنٹری ڈائریکٹر ورنر لیپیک دی ملاقات

اسلام آباد ۔ 06 ستمبر (اے پی پی) وفاقی وزیر خزانہ سینیٹر اسحاق ڈار نا ایشیائی ترقیاتی بینک دے کنٹری ڈائریکٹر ورنر لیپیک منگل کوں وزارت خزانہ وچ ملاقات کیتی۔ انہاں وفاقی وزیر کوں ایشیائی ترقیاتی بینک دے کنٹری آپریشن بزنس پلان، وسطی ایشیائی علاقائی اقتصادی تعاون، ڈیزاسٹر مینجمنٹ فنڈ دے قیام تے پیش رفت اتے آوندے اجلاس دیاں تیاریاں بارے ڈسایا۔ انہاں ڈسایا جو کنٹری آپریشن بزنس پلان 2017ء توں 2019ء تے محیط ہو سی جیندے وچ آندے ترائے سالاں سانگے وسائل مختص اتے پائپ لائن منصوبے شامل ہوسن۔ منصوبے سانگے مختص مجموعی رقم داحجم 5 ارب 91 لکھ ڈالر ہے۔ ایں منصوبے وچ توانائی، ٹرانسپورٹ، ڈیزاسٹر مینجمنٹ، واٹر اینڈ اربن سروسز، زراعت اتے انفراسٹرکچر فنانسنگ دے شعبے شامل ہن۔ منصوبے نال وفاق، صوبے، آزاد جموں تے کشمیر، فاٹااتے گلگت بلتستان فائدہ چیسن۔ ایں طرح وسطی ایشیائی علاقائی اقتصادی تعاون دا مقصد رابطہ کاری کوں ودھاونڑ ہے۔ ایں سلسلے وچ سی اے آر ای سی ملکاں دے نمائنداں اتے شراکت داراں دا اجلاس اکتوبر 2016ء وچ اسلام آباد وچ تھیسی۔ ایں موقع تے وفاقی وزیر خزانہ کوں نیشنل ڈیزاسٹر رسک مینجمنٹ فنڈ بارے وچ وی بریفنگ ڈتی گئی اتے ڈسایا گیا جو ایں فنڈ داانتظام شراکت داراں دی وسیع البنیاد جنرل باڈی دے ذریعے چلایا ویسی۔ ایں مقصد سانگے فنڈنگ ایشیائی ترقیاتی بینک ولوں سالانہ 250 ملین ڈالر دیاں چارقسطاں دے ذریعے تھیسی۔ ایندے علاوہ آسٹریلیا، بیلجیئم، ناروے اتے جاپان وی متوقع ڈونرز وچ شامل ہن۔ وزیر خزانہ ایشیائی ترقیاتی بینک دے پاکستان دے ترقیاتی پارٹنر دی حیثیت نال کردار دی تعریف کیتی اتے پیش کیتے گئے منصوبیں دے خدوخال تے اطمینان دا اظہار کیتا۔ ایشیائی ترقیاتی بینک اتے وزارت خزانہ دے سینئر حکام وی ایں موقع تے موجود ہن۔