ویمن پیکج دے تحت تریمت کوں تحفظ اتے بنیا دی سہو لتاں دی فراہمی سانگے چنگاں کم کیتا ویندا پئے ، حمیدہ وحیدالدین

لاہور۔29ستمبر(اے پی پی )مو جو دہ حکومت تریمت دے تحفظ ، فلاح تے بہبوداتے انہاں دی معاشی ترقی سانگے ودھ سارے اقدامات کیتے ہن، ویمن پیکیج دے تحت تریمت کوں ملازمت دی جاہ تے ہراساں کرنڑ توں تحفظ داایکٹ ، سارے محکمے اچ ہراسمنٹ کمیٹیاں داقیام ، تریمت صوبائی محتسب ، تریمت دا صوبائی کمیشن ایں سلسلے دیاں اہم لڑیاں ہن ،اے گالھ مہاڑ وزیر برائے ترقی تریمت پنجاب حمیدہ وحید الدین ہک تقریب اچ کیتی ۔انہاں آکھیا جو سرکاری دفتراں ،بس سٹاپ ،اتے بئیاں عوامی جہیں تے تریمت کوں تحفظ ڈیونڑ دے نال نال بنیادی سہولتاں وختی پجاونڑ سانگے وی کم کیتا ویندا پئے ۔انہاں آکھیا جو تریمت کہیں وی ویلھے مدد دے حصول سانگے اپنڑیاں شکایتاں ٹال فری ہیلپ لائن 1043تے درج کروا سگدیاں ہن جیں تے متاثر تریمت کوں وختی تحفظ ڈتا ویسی ۔